.............. خلف خلاف ............
إيه تاني باقي ليا وانا عايش
العمر راح ومش راجع تاني
إيه تاني باقي ليا وانا غاطس
ف بحر حياه ملهاش مواني
عشت حياتي كلها علي الهامش
مهما إتغير وإتحول زماني
لا جديد والجديد رقمه الخامس
يعني محصلشي الاولاني
جوايا مفاعل جوايا تفاعل دامس
أفكار بتخبط فيا ملوعاني
من زمان وانا قاعد دايما حاسس
بأوهام كنت أتمناها أماني
والوجع قافل عليا الباب و فارش
أحزانه اللي بتشعلل أحزاني
مش يسبني في حالي وانا ناقص
أوجاع تملا كمان شرياني
ماشي معايا في الإتجاه المعاكس
خلف خلاف في كل المعاني
.............................................
........... حسن الشوان ..............
ليست هناك تعليقات:
إرسال تعليق