يوم العبور
بقلم/سيد المبروك
جندى صايم ف الميدان
قلبه عمران بالأيمان
يفدي اوطانه بروحه
و لا لحظه يشعر بالخذلان
جندى بطل اسد حامد
ف وش كل كلب جبان
وبعد سنين ألم وعذاب
وف يوم عشره من رمضان
صدر الأمر بأخذ التار
واسترداد الأرض كمان
والصهيونى حقير مزلول
وجند بلادى اكيد كسبان
ياللى انت مش عارف قيمتهم
وفاكر نفسك من الشجعان
اقرأ تاريخ الابطال...
وأسأل شارون و ديان
أسأل سينا وجبل الطور...
أسأل بأرليف و الامريكان
أسأل الدبابه والبندقية..
أسأل محمد و مينا و يونان
جيش بلادي اسود وحوش
واللى مش عارف.. اظهر وبان
انا إللى دمى روى ارضي
ولكل بلاد العرب جسر امان
و ف فلسطين الجريحه..
نزف دمى جبال احزان
ف اليمن ..كام شهيد وجريح.؟
العروبه امانه وللأمانه صان
كل شبر من أرض العرب عرضى
والمعتدى عليه الرحمه والأحسان
قالها أعظم المرسلين نبينا.
خير اجناد الأرض .حما الاوطان
عاش جيشك يا بلادي...
وحوش ف كل ميدان فرسان
تحياتى
شاعر القمر
سيد المبروك
ليست هناك تعليقات:
إرسال تعليق