(انا شسويت )
_____________
انا شسويت .......
ربعي وحيد بالغربه ناسيني
كلمة شنونك.....
مايوم بيهه اكحل عيني
عيني الكتلهه السهر
وحيد محد يواسيني
اكتب بعبرة حزن
ليش ربعي وحدي عايفيني
ودموع وي القلم
تبلل القرطاس تاذيني
غير طيفهم......
ابد ولا مر عيني
ذابل وردهه الروح
بس ذكرهم على البال يصحيني
انا شسويت........
كطعهم نار جهنم بحشاي يجويني
جنت لهم شمعه
احرك عمري لليجيني
ماغزر زاد وملح
وحيد بالغربه عايفيني
سهام بالجبد.....
مجفيه الدله وظلمه روازيني
بعدني هذاك انا
عدل شما مال حملي العوز مايلويني
كل الجروح طيب
الا جرح غدرهم توالي سنيني
انا هذاك انا....
لساني بالموزمات انطي ماي عيني
انا شسويت......
غير الطيبه مامرت دواويني
قلمي........
الشاعر والأديب
خضر عباد الجوعاني
العراق
ليست هناك تعليقات:
إرسال تعليق