(( كرهتك ))
_____________
كرهتك.........
والكره صار من المحبه اكثر
حبك........
شباج قلبي طاح وتكسر
ظليت دمعه بالعين
عايش بين ذيابه واخطر
غدرك.......
سهم بالقلب كطع الشريان الأبهر
أعوفك.......
مستاهل اعوفك وأخليك تتحسر
سنين عمري......
مغشوش بيك بعد ما أنغر
تذكر........
أجيتك بلهفة التجوي وأتعثر
رديت.......
أعظ اصبع ندم
مدوهس وأفتر
مكسور ......
أداري بخواطركم وأتعذر
الدنيا......
خانت وحبيبي وياي كصر
طعم الشهد......
ياناس صار حنظل ومر
غدرك حبيبي...
صم ملح فوك الجرح وأكثر
انا الجنت .... .
شجره تكعد بظلي من تحتر
اليوم صرت مكروه
تشعلني وبدخاني تتعطر
خليتني .......
علج وسالوفه بحلوك البشر
تذكر........
انا الجنتلك مرهم
وانت بصدري اليوم خنجر
حزنان راح اموت قهر
ادريك مات احساسك
وانا وحدي ظليت دموع وسهر
دمعي جمر
يبجي على حالي حتى الصخر
بستان جروحي....
ينزف والأه بيهن خضر
اصبر الروح... ...
تعذرني الصبر كال ما أكدر
قلمي.......
الشاعر والأديب
خضر عباد الجوعاني
العراق
ليست هناك تعليقات:
إرسال تعليق