وصلك متين "عامية" / بقلم أ. عز الدين الحميري

وصلك متين:
لايطول بعدك ويطلع القلب عن شوري
ويتأمر مع باقي الاعضاء وأنا لها رهين
أول صباحي انت شمسها وبالليل نوري
مع لمع النجم وضي القمر ونبض الوتين
أريدك تحس مع كل نبضة قلب بمروري
خلي نظر عينك صاحي ويشدك الحنين
الشوق شبيه احساس الحمام والدوري
دوم شبعان ومتهني وكله ايمان ويقين
يانبض حرفي واحساسي وريح عطوري
في كل شطر وبيت حبل وصلك متين
اسال مبسمك وكل حركة تعلمك سروري
صوت ضحكتك باين ومكتوب عالجبين
هالحال مثل الغايب عن ديرته مجبوري
بكل ريح شوق وهيام تعيد أعوام وسنين
ذكريات وأحلام تعيد الصبا ويظل ضروري
يراودني صباك شوق الأم لشوفت الجنين
أنا اللي مااهتز حنيني وسموني صبوري
تعال تحسس كل حرف ويكون لك يقين
لاتكون بخيل الوصل وحضورك صوري
يتعب القلب وشريانه والحال ترى يشين
ماراح تشوف في يوم تقصيري وفتوري
وصيت القلب والحشا تلمك وتظل بالعين
اليوم وكل يوم القصيد يوصف حضوري
رسالة وصوت وتاغ من القلب لك رنين
وش تريد بعد اكتب وأعبر عن شعوري
لأجل يرتاح بالك ولاتظل تعبان وحزين
         @عزالدين الحميري@