جوايا شايف"عامية" / بقلم أ. صبري رسلان

جوايا  شايف     ( 152)
........................
دبلت  ليالي  الفرح 
جوا  الحزن   تاه 
والحلم  راح  عني  إتقسم
لضلام   نداة      ...
ودموع  عينيه  إتحجرت
ما   فيهاش  حياة 
ايه  اللي  باقي  فى  دنيتي
ما   بكاش   عليا  ...
والنسمه  عني  إختفت 
ما  بقيتش   ليا
لحظات  وأملي  اللي  إتبنى 
إتهد  مني   ..
وحبايبي  بعدوا  ما  صدقوا 
في  عجزي  غابوا   
ما  قلبي  حس  إنه  إتنسى
خبى  فى  عذابه     ..
حسيت   بدمعه  عالخدود 
بتواسي  فيا   ..
وايادي  رحمه  طبطبت 
حنت  عليا   ...
وعيون   بتكتم   ضحكها 
قدام   عينيه    ..
فاكريني  عاجز 
إنما  بإحساسي  شايف
وهعيش في  ضلمه  وحديتي
ما  عدت  خايف   ...
من بكره  هرسم  ضحكتي 
فوق  الشفايف  ..
ورضيت  نصيبي  وقسمتي
ويا  دنيا  شايف  ...
مع   فجر   بكره 
هيناديني  للحياة
أغسل  ذنوبي  برحمته 
حمده  أمل  شكره  نجاه
بقلم  ..  صبري رسلان