بقلمي/ ربيع الغريب
؛--------------------
لما تقول عالظلم عدل
لما تقول عالضلمه نور
لما تشوف بعنيك الغدر
لما ترضى بحكم الزور
لما الدم يسيل عالأرض
وإنت بكدا فرحان مسرور
تبقى إنت منافق بجد
وكمان بتلف .. وبتدور
لما تقول عالظلم عدل
لما تقول عالضلمه نور
بتنافق علشان مصلحتك
وميهمكش شهادة الزور
ميهمكش كمان غير نفسك
عايش بلا إحساس وشعور
بص لكل منافق قبلك
كان متكبر أو مغرور
وساعتها هتعرف كدا إنك
بكره هايجى عليك الدور
طول ما أنت بترضى بالظلم
وبترضى بشهادة الزور
طول ما أنت عايش بالجبن
وبتزرع فى الأرض البور
تبقى إنت منافق بجد
وكمان بتلف .. وبتدور
لما تقول عالظلم عدل
لما تقول عالضلمه نور
؛-----------------------
كلمات / ربيع الغريب
؛----------------------
ليست هناك تعليقات:
إرسال تعليق