الحب والمال " عامية غنائية " / بقلم أ. أسامة عبدالقادر

الحب والمال

معرفش عنها أي حاجه
غير إنها بتحب الحياه
وأحلامها كتيره جدا
أهمها الغنى والجاه
صحيح جميله
وجذابه جدا
بس عشق المال
مالهاش سواه
كل همها ووعدها
يجيلها أمير القلوب
كلمة أمير يعني غني
معاه من خيرات الجيوب
الحب عندها فلوس كتيره
تغطي على كل العيوب
وتعيش في قصر مع نصيبها
وربك عليم بالغيوب
أحلامها دي سبب آلامها
لأن الحياه مش غنى وبس
في حاجات كتيره بتتحس
ياريت تغادر أرجوحتها
أرجوحة الأحلام بتاعتها
وتعيش واقعها ف.الدروب ...
أسامه عبد القادر أحمد